Nú er komið að því að hugsa um hvort annað.

Tugþúsundir eru atvinnulausir og alls óvist um framtíðina næstu misseri.

Við eigum eftir að sjá hörð mótmæli og mikið meiri reiði en við höfum kynnst hingað til.

Núna er komið að því að við notum reiðina i að byggja upp eitthvað annað og meira en óeirðir og ofbeldi.

Við þurfum að standa saman og byggja upp okkar samfélag með því að hjálpa hvort öðru með öllum tiltækum ráðum meðan holskeflan gengur yfir.

Pössum börn hvorsannars og hittumst eins mikið og hægt er til að sýna fram á að við komum frá víkingum sem byggðu landið upp frá grunni og notum okkar hæfileika til að styrkja hvort annað.

Við erum sterk og heiðarleg þjóð sem á alla burði til að standa þetta af okkur.

Styrkjum listir og menningu okkar og fáum umheiminn til að sjá að lítið eyríki getur og mun rísa uppúr öskunni með heilsteypta og samheldna samfélagssýn þarsem jöfnuður fólks er á sama báti og allir eru i sama bát að vinna að einu markmiði.

Að verða aftur til fyrirmyndar fyrir umheiminn.

Athugasemdir

[Magnús Sigurðsson, 30.1.2009 kl. 23:04]

Góður pistill, í stað þess að græða peninga hvort á öðru hjálpumst við að, því við munum eignast nýjan tíma.  Þetta gefur okkur svo mikið meira og munum, þetta er skattfrjáls tími.  Við komum til með að hafa frelsið út úr þessu, það munu þessir tímar kenna okkur og heiminum.