Veggur....

Ég ætla að henda alltaf öðru hvoru svona myndum sem maður rekst á á röltinu.... Varla hægt að kalla þetta "krot". En þetta er ein af mínum uppáhalds myndum sem eg hef rekist á

Hombíu Trú....

Hahahaha ég bara get ekki tekið þennann strák þarna sem er orðinn borgarstjóri alvarlega. Núna var hann sperrtur í fréttunum að gjamma eitthvað, en málið er að eina sem vantar er að það detti niður Diskókúla fyrir aftann hann, og eitthvað rosalegt Ibza techno flæðir um. Svo kippir gæinn bara í buxnastrenginn og tæti af sér fötinn í lostafullum takti og yfir hann flæðir svo extra virgin olive olía. Hehehe það er kannski eini hluturinn sem ég mundi treysta þessum pjakk fyrir.

Hehehe. En óháð því þá er nú aftur byrjað baráttan til þess að samkynhneigðir fái að giftast í kristinni trú og allt það... Og enn og aftur er ég alfarið mótfallinn því, það á ekki að breyta heilu trúarbrögðum og því sem þau standa fyrir dammitt....

Ég er alfarið með því samt nátturulega að maður fái sömu réttindi og gangkynhneigðir en ég skil ekki afhvurju er verið að draga þetta allt saman inn á altarið hjá kristnum... En þetta er hlutur sem á eftir að valda rökræðum og rifrildum eins og með allt.

En finnst mér þó gáfulegast að sleppa þessu trúarveseni og fá bara einfaldlega sömu réttindi og allir. En endilega ef þið eruð með einhvern vinkill á þetta endilega skiljið eftir línu....

Banvæna Bláa gullið...

Ja hérna hér... Ekki er maður nýbúinn að jafna sig á fréttunum um heilaétandi frumforynjuna í Fjandaríkjunum, heldur en þá er skellt á mann Oslóenskri frumusúpu með sama tilgang. Að éta mannkynið hreinlega útaf kortinu. Ég nátturulega er svo mikill með mannkynið að ég hélt í þá von að það þyrfti allavega tvo til þrjá loftsteina og allsherjar flóð og djöfullgang til að skrúbba plánetuna hreina okkur.

En nei... Það þarf greinilega ekki meira en einföldustu frumverur sem Móðir Jörð býr til í sínum verstu martröðum. En það gæti líka svo sem verið eitt allsherjar plott hjá vatnssölumannafyrirtækjum til að auka sölu sína. Bara að fletta upp í Wickipedia og finna eitthvað frumildi með ógnvænlegt nafn og tilburði og skella því fréttirnar.

Nei en annars er þetta frekar uggvænlegt að maður er umkringdur ýmsum ófrýnilegum veirum og amöbum sem geta gert flest það sem þeim sýnist. En jæja, það er þá bara kominn tími á Biohazard gallann og öndunnargrímuna og reyna að lifa þessar plágur af hehehe....

En þó ætti fólk fara að virða fyrir sér þessa plánetu aðeins og lífið á henni og fara aðeins betur með hlutina áður en allt verður yfirfullt af afmynduðum furðuverum sökum mengunnar og ógeðs sem við skiljum eftir okkur...

Íbúar Ósló óttaslegnir vegna sníkjudýrs - þrír hafa smitast

Brrrrrr.

Vaknaði svo helkaldur og skjálfandi út af því að ég gleymdi að loka glugganum, stökk á fætur bölvandi og ragnandi af því að ég svaf yfir mig. Helv. tróð mér í fötin á mettima og þrykkti af stað niður í bæ ennþá að reima skóna þegar ég hleyp yfir Miklubraut og rek auðvitað löppina í einhvurskonar drasl og fæ smátak í bakið en bít á jaxlina og bölva hærr. En þegar ég mæti þarsem ég ætti að vera þá nátturulega kemst ég að því að það er rangur dagur hehehe. Ands. og kuldinn er hellaður hérna á skerinu þanning að næstu daga ætla ég að standa úti með hársprey og allt sem eyðir ósoninu svo það hitni nú aðeins hérna heima DAMMIT.....

klukken....

Ja hérna hér... Hér sat ég í rólegheitum og ætlaði að reyna að halda mig í svona film noir dularfullum reyksveiptum hálf-feluleik. En nei, er þá ekki hent á mann 8 hluta játningu um hluti sem fæstir vita... Hmmm... Það er hreinalega tætt utan af manni leynifötin og maður á bara að standa bestrípaður fyrir framan alþjóðina... 

Já veistu það hljómar bara ekkert illa ef maður setur það upp þanning hehehe... Þanning að ég hefst þá handa vegna klukks  Lehamzdrs...

!. Eins ógurlegur og uppblásinn sem maður getur orðið þá þarf ég ekki annað en að sjá dordingul eða eitthvað annað fjölfætlufyrirbæri til að breytast í sjö ára lítinn týndann strák í kringlunni.

2.Eins mikið af subbuskap og djöfulgang í bíómynd sem maður er sífellt talandi um þá fell ég alltaf fyrir Pixar tölvuteiknimyndum....

3.Eins sjálfstæður og "fullorðinn" sem maður er þá þarft samt stundum að fara og fá ráð hjá Mömmu...

4.Mér líður best einum á fáförnum stað eða litlu kaffihúsi með teikniblokk.

5. Tónlistin sem ég hlusta mest á hefur oft verið mistekin fyrir illa stillt útvarp hehehe. En hef samt þolinmótt eyra fyrir flestu nema country og svona kirkju svaka sálma þar sem fólk hreinlega tapar sér í gleðinni.

6.Ég hef mest alla tíð verið vandræðagemsi og rugludallur og er svona í rólegheitunum að raða þessu öllu saman í kringum mig aftur.

7.Ég á einstaklega erfitt með að sjá illt í fólki og hef nokkuð opinn huga... ef hann er eftir því sem ég vill hehehe.

8. Ég mundi aldrei nokkurn tíma detta í hug að gera nokkuð þessu líkt eins og að svara þessu hérna eða blogga, sem sýnir mér að maður er nú sem betur fer alltaf að breytast og situr ekki í sama farinu....

 

En ef ég a´að klukka einhvurn þá veldi ég,

Bennu

Skessu

Trini

Kizu 

Halkötlu

Skorrdal

bisowich

rustikus 

Ég skal éta köttinn og helv. hundinn líka!!!!!!!!!!!!!!!

Hvað í helv. meinar þetta svokallaða siðmenntaða fólk nú dammit.... Ég var að enda við að lesa að gæinn sem er með blaðið Inn liggur í því að það rignir yfir hann hótunum... Og afhverju spyr þú kannski, hmmm... ekki er hann nauðgari né perri né jafnvel lögfræðingur.... Nei hann dirfðist að birta uppskrift að ketti frá langtíburtulandi þar sem kisur eru snæddar, svipað og kjúklingur hérlendis. Og viti menn, haldið ekki að allur þessi velupplýsti dýravinahópur geri ha... Bara tjúllast og veður ekki bara yfir saklausann manninn heldur skítur líka yfir heila þjóð, heilt menningasamfélag. Ands. hvað svona pakk getur farið í taugarnar á mér. Sýnið allavega ykkar fordóma vel þanning að maður veit að það er gott að forðast ykkur moldkofalið.... Við sem étum hvað, súrsuð kynfæri og lambabarnahausa. Og hvað með kálfa og annað sem yrðum drepin fyrir í Indlandi. Ha á ekki bara að setja út hersveit í ykkar siðapostula nafni til að eyða út öllu því sem er ekki hreint og siðmenntað eins og þið... Ég skal segja þér það að ég elska kisur eins og flest annað en ég get þó sýnt öðrum menningasamfélugum þá virðingu að vera ekki að gjamma svona á opinberum vettvangi.........

Er það ekki satt sem þetta segir????

Þetta er bara enn einn gullmolinn sem ég rakst á meðan ég var að renna mér á þessu óendanlega yfirfull interneti. Langaði bara að dreifa þessu og fá fólk aðeins að spá...

Margslitnar pælingar....

Frábært, bara snilld... Enn einn hluturinn sem ég bara hreinlega get ekki hætt að hugsa um. Heilaétandi frumusúpa sem gúffar í sig hverjum heila sem það kemst í.

En það er allt í lagi af því að þetta eru bara nokkrar tjarnir sem hafa hitnað í gegnum árin og gera umtöluðu frumusúpu árásargjarniri og hungraðri í mannaheila. Hahaha þetta hljómar bara eins og byrjunin á flest öllum uppáhaldsmyndunum mínum. En málið er að mér fannst þessi frétt bara lykta af undarlegheitum og hálftrúði þessu bara ekki.

Þanning að ég gerði þau mistök að þeytast inn á Google og fletti upp tiltekinni tegund og komst að því að, ekki bara er þetta fyrirbæri ekki bara til heldur eru ýmis önnurs konar fyrirbæri á ferð um heiminn....

Og er þetta, og ekki stimpla mig sem einhvern umhverfissinnaða hippa, útaf mjög einföldum hlut. Það er hækkun hitastigs á jörðinni sem breyta gangi áa og strauma hér og þar og tiltölulega hættuleg kvikindi, köngullær og ýmisskonar fjölfóta óbjóður að færa sig upp á skaftið með því að styrkjast og eflast útaf hitabreytingum og þar með að komast inn á svæði sem þau eiga ekki heima á.

Eins og sundlaugar og litlar tjarnir og hitt og þetta, meira að segja inn í Bretlandi er uppkomin áttfætlu fyrirbæri sem er orðið svo eitrað og bara hreinlega stórhættulegt að fólk fer einfaldlega inn á spítala ef það er bitið.... Og ég þurfti nátturulega að liggja yfir öllu þessu og lesa allt sem ég komst yfir um vírusa og skorfætluskrýmsla hluti hits og her...

Sem einfaldlega er búið að gera mér það að það liggur við að maður vefji sig bara inn í sellófan og hengi sig upp í lofttæmdu herbergi svo þessi fyrirbæri spæni ekki í sig heilann minn. En jæja,hehehe þetta er nátturulega bara hreinræktuð geggjun að velta sér uppúr þessu, þó annað sé ekki hægt. En að öllu óháðu þá langar mér bara að koma inn með eitt alls ótengt þessu og það er að ég var að spá með Satan og guð.

Það er málið að satan er sagður guð lygana og er ekki besta leiðin til að fylla víti af sálum, að einfaldlega fá sér góðan stílista og stofna trúarbrögð sem kallast kristni og lofa öllu fögru þar... Æ bara þetta poppaði upp í hausinn á mér allt í einu... Og að plottið  kemst ekki upp fyrr en maður stendur tvistígandi á glóðheitu gólfi með kallinn með hornin glottandi fyrir framan mann. En hver veit... Ég vona bara að ég lendi ekki í limbo fyrir þetta hehehe, en annars ætla ég að taka sénsinn að skella mér útí þessa furðufyrirbæra veröld og vona að ég komi aðskotahluta laus til baka...

Skyndileg fjölgun dauðsfalla af völdum heilaétandi slímdýrs

Tímaeyðsla.

Mikið er eitthvað langt síðan ég potaði eitthvað niður á þetta lyklaborð mitt.... Ætli það sé bara stumble it sem er bókstaflega búið að sjúga úr mér allra skynjun.... Þvílikir hlutir sem fylla þetta gómsæta hlaðborð sem við erum við með fingurgómana. En ég veit ekki, kannski er það einmitt bara staðreyndin að maður er nú kominn inn í einhvern omg ég er farinn að eldast pakka, og sit bara í uppkuðlaðri ikea sæng með swiss missið mitt og brostnin vonarglampa á brún.

Hehehe nei ætli það. En svo fór ég að spá, gæti verið að ég sé hreinlega bara svona óreiður og pirraður að nú hefði ég ekkert til að rasa um og reyna að breyta með molotovkokkteilum og uppþotsræðum.... Neibb, varla sem betur fer, er nóg til þess að halda mér gangandi, og nú þegar ég fer að nálgast það að verða krumpaður kall með staf, þá get ég hlakkað til að rífast og gjamma yfir illa röðuðum vörum í hverfisbúðinni.Svona lítið elliært uppþot alltaf einu sinni í viku.

En það er ekki heldur það því það sem mér finnst ómögulegt að lesa er einmitt þanning krumpaður pirringur endalaust. Þanning að ég rúllaði mér úr rúminu og upp á skrifstofuborðsbrúnina til að skrifa eitthvað þessu líkt... eingin lausn á heimsvandanum... ekki neitt nöldur... Bara að eyða svona tveim til þrem mínutum úr þínu lífi... Annars er ég allur að koma til og blæs og hvæsi eins og ég er langur til...

Stumble....

Það þarf nú ekki mikið til að gleðja þessa nýungagjörnu barnssál með sniðugum hlutum. Hehehe nú setti ég upp Stumble it á toolbarinn minn og viti menn, skyndilega varð Internetið bara ein allsherjar skemmtun. Hahaha bara að ýta á einn hnapp og handahófskenndar síður fylla skjáinn af gagnslausum og óendanlega mikið skemmtigildi. Ands. nú verður næstu dögum eytt í óþarfa pikk og pot. En annars er ég bara að sitja af mér daginn í dag, þar sem aldurinn náði að slæsa af mér enn eitt árið.... er orðinn þrjátíu og eitthvað... Dammit... gráslegið skegg og göngugrind bíða rétt handan hornsins... En það er allt í lagi... Ég er með Stumble it í vafranum mínum....