Ólöglega löglegt???

Ég bara verð að skella þessu aðeins fram. Það pirrar mig nefnilega þessi umræða um "veggjakrot" núna sem aldrei fyrr. Fólk skellir fram staðhæfingum sem það hefur ekki hugmynd um, flestir vita ekkert um þetta listform, en þegar það er gefin út bók um íslenskt graffity sem að sýnir þessa gríðarlega stóru listhreyfingu í sínu hráasta formi þá er viðhorfið verulega furðulegt. T.d er rikisstjórnin að reyna að setja fram boð og bönn en á sama er Kjarvalsstaðir sem er ríkisrekinn listastofnun með kynningu á bókinni og þessari menningu. Mér finnst það furðulegt að banna og á sama tíma hampa sama hlutnum. Hvenær er grafflistamaður öruggur með að vera kallaður listamaður, er það þegar hann birtist i séð og heyrt eða kastljós. Eða er það þegar hann í nafn og andlitsleysi skilur eftir sig vel unna alvöru Graffmynd sem fær mann til að stansa aðeins við og spá í heiminn ef maður er svo heppinn að rekast á tiltekna mynd. 

Graffity er ekki að bomba á bíla og handahófsvalin hús. Graffity er ekki lélegar setningar hingað og þangað um bæinn. Graffity er ekki myndin sem fylgdi fréttinu um "neyðarkall" löggunar í grafarvogi.

Graffity er vel unnin mynd fyllt metnaði og sköpunnarsemi, graffity er falin list sem maður rekst yfirleitt ekki á á laugaveginum eða íbúahúsum.

Þetta er barátta sem hefur staðið endalaust yfir og mun aldrei enda. Það þarf aftur á móti að koma á móts við góða veggjalistamenn eins og Prikið og mál og menning hafa gert. Fólk ætti nú aðeins að líta upp úr fyrirsögnum blaðanna og líta aðeins lengra en út á hlað hjá sér og kynna sér málin áður en allt er sett af stað.... 

Athugasemdir

[veitallt (IP-tala skráð) 25.9.2007 kl. 19:55]

Þú ert greinlega mjög fróður um þetta. Það eina sem þú veist ekki um veggjakrot er að það er ekkert ypsilon í graffiti.  

...Eða kannski veistu bara ekki neitt.  

[Bara Steini, 25.9.2007 kl. 22:44]

Ég veit þó það að mikill munur er á alvöru graffi og þessu krassi sem er í umræðunni.

[Steingrímur Helgason, 26.9.2007 kl. 01:25]

Frá mér til þín, þegar þeir sem að kjósa að andmæla þér með því einu með því að setja eitthvað út á stafsetníngu þína, eitt ýpsilon hér eða þar, þá er annað hvort málstaður þinn góður, eða vitið sem að guð gaf andmælöndinni, ekki gæsafjöðurs virði.

Hins vegar....

Þó að ég sé alveg tilbúinn að viðurkenna tjáníngarformið sem listgrein, þá get ég líka tekið undir skoðanir fólks sem að er máske ekki alveg til í það að láta ömurlega auglýsíngar smekklausabuxna Flugger málara mæta heim árlega til að skúbba aftur yfir vegginn.  Sem betur fer bý ég í fámennri sveit, en ef að einhver ódóinn þar fer að úða á klæðínguna á húsinu mínu, þá náttla lem ég afa hans á næsta þorrablóti, FAZT.

Í annann stað, þá er upphafið af þessu 'graffítí' rakið til drengjaklíkna í suðurhluta kaliforníu reyndar, þar sem að tungumálaerfiðleikar á milli spænskumælandi & enskumælandi hormónatrylltra stráka gerðu það auðveldara að marka sér svæðið með því að merkja sér horn með litum viðkomandi klíku.  Þetta náttla breiddist út til vesturstrandannar líka, & varð þessi kúltúr sem að við þekkjum í dag sem 'umhverfislist'

Breiðholtið & nágrenni varð eiginlega fyrst fyrir þessu, & eiginlega var ég nú alveg sáttur við að sjá grámann þar dáldið litríkari.  Ég meina, hverjum datt nú eiginlega í hug að mála hálft hverfið grátt ?  Var ekki alveg nóg fyrir fólkið að búa þarna & börnin þeirra að þurfa að alast upp þarna efst upp í gólanhæðum eiginlega ?

En mar á nú ekki að spreyja á nágrennsli sitt í nafni listar, frekar en að úða yfir vegg sem að 'bara er þarna, auður'.

S.

[Bara Steini, 26.9.2007 kl. 01:33]

Þarna rakstu hamarinn á naglann og hann á kaf :) Þetta er líka sniðugt innlegg sem ég vissi hreinlega ekki um. En ég er þér einmitt sammála með að gusa ekki á hvaða vegg sem er, en það væri nú sniðugt að setja upp svæði hingað og þangað þar sem góðir listamenn gætu smellt upp einhvurju til að lýsa aðeins upp göngutúrana. Og finnst mér einmitt sniðugt með að þú búir í fámennri sveit því að enginn staður virðist vera öruggur fyrir brúsunum, ég var einmitt að skoða nokkur veggjakrot í afkimadal í Grænlandi. Þeir leynast semsagt allstaðar þessir hormónatrylltu strákar

[varð (IP-tala skráð) 26.9.2007 kl. 14:56]

Það er ypsilon i enska orðinu graffity en i í íslenska....

[halkatla, 27.9.2007 kl. 19:02]

ég heillast sko af flottu veggjakroti, en svo sá ég myndband um daginn þarsem unglingar voru að stunda listsköpun utan á lest að næturlagi og svo var lestin sýnd keyra af stað daginn eftir og flott tónlist undir, það var geðveikt, ólýsanlega kúl og lestin var miklu flottari með graffinu en án þess. Þetta var óumdeilanleg listsköpun og ekkert annað.

[Bara Steini, 27.9.2007 kl. 19:11]

Það væri einmitt geggjað að hafa nokkra strætisvagna sem skipt er um verk á vikufresti. Þætti það flottara en þessar auglýsingar sem skreyta þá núna.