Bloggdómar.

Lengi vel var ég gallharður á móti öllu sem bar nafnið "blogg". Þetta væri nú það tilgangslausasta eyðsla á plássi á Internetinu, ekki það að ég hafði opnað eða lesið mikið af þeim. Það er bara stundum þanning að maður heyrir eða sér eitthvað og snögglega er maður kominn með fyrirfram ákveðna skoðun.

Þetta er hlutur sem að ég held að hver einasta manneskja hafi innra með sér, hálfgert viðvörunnarkerfi ef má orða það þannig. Margir t.d sjá húðflúraða svartklædda einstaklinga og taka krók því eins og allir "vita" að þá er húðflúr merki alls ills i huga margra. Ég til að mynda sé jakkafataklædda menn með skjalatöskur sem eina allsherjar ógn. Kallar sem standa okkur "ofar" og skrifa lögin og reglurnar handa okkur hinum. Þetta er bara hlutur sem er erfitt að komast yfir. 

Þessvegna hef ég núna brotið odd af oflæti mínu og opnaði þetta blogg mitt fyrir ekkert of löngu síðan og hef komist að því að þetta er bara ein allsherjar snilld. Hér er enginn sem getur gripið fram í fyrir manni, maður einfaldlega kemur sinni skoðun fram og fær svo svör sem maður getur ekkert reynt að stoppa eða breyta einmitt með að grípa inní. Þanning að maður sér og tekur inn allar hliðar og skoðanir málsins og fær ansi oft að sjá hvað maður getur nú verið dómharður þegar maður kynnist fólki fyrst.

En ég er enn að venjast þessu kommentkerfi hér inni, eins og bara hverning maður "les" útur svörum því kaldhæðni skilar sér ekki sérstaklega vel stundum í skrifuðu máli. En maður lærir það eins og annað og einning lærir maður að taka mark á öðrum í samræðum sem maður ætti að nýta sér úti í "kjötheimum" lika. Þanning að ég býst við að maður hangi hér aðeins lengur því hér þenkjandi fólk sem fær mann ansi oft til að brosa eða skipta um skoðun sem maður hélt að yrði aldrei.

Athugasemdir

[Heiða B. Heiðars, 20.9.2007 kl. 23:52]

Jáhá.. mér finnst ómetanlegt að geta rutt út úr mér skoðunum án þess að einhver sé að gjamma frammí fyrir mér og reyna að reka ofan í mig einhverja vitleysu :)

Vertu kjurr... fínt að hafa þig hérna;) 

[Bara Steini, 20.9.2007 kl. 23:55]

Þakka þér fyrir það. Já eftir að maður fær tækifæri á að kynnast góðu skemmtilegu fólki (eins og þér) að sjálfsögðu staldrar maður við.

[Heiða B. Heiðars, 20.9.2007 kl. 23:59]

Þegar maður er óforbetranlegur hrokagikkur og frekjudós er eins gott að maður nái því að vera skemmtilegur svona inn á milli... annars væri líklega búið að koma mér fyrir kattarnef:)

[Benna, 22.9.2007 kl. 16:29]

Ég segi það sama með bloggið var hálf nervus að byrja en ég eins og þú hef komist að þvi að mér finnst gott að gera sagt skoðanir mínar án þess að verða trufluð og fá svo skoðanir annarra á mínum skoðunum hehe....

Segi sama og Heiða vertu hér áfram þú ert ómissandi...

[Bara Steini, 23.9.2007 kl. 17:08]

Maður bara roðnar þegar maður fær svona athugasemdir :)

[Steingrímur Helgason, 23.9.2007 kl. 23:40]

Hvers sem að það er nú virði fyrir þér, þá er bloggerí þitt mér mikils virði, skoðanir þínar setur þú sterkt & málefnalega fram & ég er stoltur af því að fá vera einn af bloggvinum þínum.

S.

[Bara Steini, 23.9.2007 kl. 23:54]

Ég þakka kærlega fyrir Steingrímur...Þetta er rosalegt...

Hérna situr "róttæklingurinn" bara og roðnar og hikstar

[Heiða B. Heiðars, 24.9.2007 kl. 20:45]

chicken :)